Ә.Кекілбаев өзінің көркем сөз зергерлігімен оқырманның рухани өмірін байытып, көкірегіне ұлттық сенім, сана ұялатады. Осы орайда , жалпы білім беретін мектеп оқушылары арасындағы  Almaty regionның білім басқармасының ұйымдастыруымен Қапшағай қаласында Облыстық “Әбіш Кекілбаев” оқулары бүгінгі күні өз мәресіне жетті.  Мектебіміздің 10-сынып оқушысы Тұрғали Айсұлу “Мәнерлеп оқу”сайысында жазушының 30 өлеңін,2 прозасынан үзінді жаттап, lll  дәрежелі дипломымен марапатталды.

17 қазанда Қонаев қаласында "Ақберен" өнер  байқауы өтті. Байқауға  М.Мақатаев атындағы 13 орта мектебінен 11- сынып оқушылары Санат Айым мен Заманбек Сымбат қатысты. " Ақындар мүшәйрасы" бағыты бойынша қатысқан - Санат Айым 2- орын, " Көркем сөз" бағыты бойынша қатысқан Заманбек Сымбат 3- орын иеленді.

9-10 сынып оқушыларына арналған жас тарихшылардың 'Менің шағын Отаным' атты республикалық интеллектуалдық конкурсының облыстық кезеңінде 'Шағын Отанымның символы' номинациясы бойынша мектебіміздің 10'Ә' сынып оқушысы Рахымжан Аяулым Дәулетқызы қатысып  ІІ орын иеленді. Жетекшісі: Сейдимбетова Раушан Мейрамбековна. Құтты болсын!!!

“Зерделі” ақыл-ой дамыту мектебінің ұйымдастыруымен республикалық деңгейде 10-11 сыныптарға арналған “Алтын түлек” олимпиадасының мектепішілік кезеңі өткізілді. Жүзден жүйрік, мыңнан тұлпар 4 оқушы анықталды. 10 - сыныптан: Демежанов Асыл, Бахыт Берекет; 11- сыныптан: Тұрсынбай Дана, Смаханова Шапағат олимпиаданың аудандық кезеңіне жолдама алды. Бәйгеде оза шауып, жүлделі орын иегерлері атанады деген үміттеміз!✊👍

Ағымдағы жылдың 29 қыркүйегі күні 5-6 сыныптарға арналған оқушылардың математика пәніне деген қызығушылықтарын арттыру мақсатындағы балалардың логикасын әртүрлі қырынан бағалайтын бірегей тапсырмалар жүйесімен ерекшеленетін Республикалық «Алтын Сақа» олимпиадасының мектепшілік кезеңі өткізілді .Ең жоғары ұпай жинаған алты оқушы олимпиаданың аудандық кезеңіне жолдама алды. Шәкірттерімізді құттықтай отырып,аудандық кезеңге сәттілік тілейміз.