"Қашықтықтан оқытуға қажетті құралдар"

М.Мақатаев атындағы #13 орта мектебінде ағылшын тілі пәнінің мұғалімі, педагог- сарапшы Мизамбек Думаның ұйымдастыруымен "Қашықтықтан оқытуға қажетті құралдар" тақырыбында семинар өткізілді. Семинар барысында жас ұстаздарға қашықтықтан сабақ беру процессін жеңілдететін, тиімді құралдар таныстырылды, оларды қолдану жайлы мәліметтер берілді. Айта кетер болсақ, электронды оқулықтарды қандай ресурстардан алуға болады, скриншот жасаудың ең жеңіл жолы, бейнесабақты жазу, слайд жасауға арналған интернет ресурстар, балалар білімін бағалауға арналған платформалар таныстырылды. Lightshot, slidesgo, bandicam, quizbot, socrative, wordwall сияқты бағдарламалар мен сайттарды қолдану мысалдары тәжірибе жүзінде көрсетілді.